अन्तर्राष्ट्रिय सञ्चारमाध्यमका अनुसार 'पापा क्रेजी' नामको समूहका सदस्य 'भुतको भेष' मा केही दिनअघि मानिसलार्इ डराउँदै भारतको एक सडकमा मध्यराति निस्कँदा अर्का सदस्यले भने लुकेर भिडियो खिचिरहेका थिए ।
युट्युबमा हालिएको यो भिडियोमा देख्दै मानिस तर्सिने पोशाकमा एक मानिस अचानक सडकमा गुडिरहेको कारको सामुन्ने आएको देखिन्छ ।
मध्यरातिको स्ट्रिट लाइट भएको सडकमा अचानक सेतो पोशाकमा सामुन्ने आएको देख्दा कार चालकको आत्तिन पुग्छन् । 'भुत' अगाडि आएपछि आत्तिएका उनि कारलार्इ ब्याक गर्न पुग्छन् ।
तर उनले कारलार्इ ब्याक गर्दा पनि भुतजस्तै देखिने सेतो पोशाकमा अर्का मानिस पनि कारको पछाडिको सडकमा उभिए ।
पछाडि उभिएको भुतजस्तो मानिस कारमा चढ्न थाल्यो । त्यही बेला कार चालकले हिम्मत जुटाएर कारलार्इ अघि बढाउन पुगे । चालकले कार अगाडि बढाएपछि भुतजस्ता ती मानिस कारमै चढ्न ढोका खोल्न खोज्छन् । कार चालकले तत्कालै कारको स्पिड बढाइ भुतजस्ता मानिसलार्इ किच्दै अगाडि बढ्न पुग्छन् ।
कारले किचेर भुत बनेका ती मानिसको घुँडा, कुहिना र शरीरका अन्य भागमा चोट लागेको छ