नेपालगञ्जस्थित जमुनाह नाकामा धर्ना बसेका संयुक्त लोकतान्त्रिक मधेसी मोर्चाका कार्यकर्तालाई प्रहरीले शुक्रबार हटाएको छ । सद्भावना पार्टीका अध्यक्ष राजेन्द्र महतोको प्रमुख उपस्थितिमा सीमा नाका भन्दा दुई किलोमिटर वरै चौलिक्का चौकमा भएको बिरोध सभापछि मोर्चा कार्यकर्ताहरु धर्नाका लागि नाकामा पुगेका थिए ।त्यस क्रममा प्रहरीले मोर्चाका केही कार्यकर्तालाई पक्राउ गरेको छ । केही घाइते भएका छन् ।
यसैबीच नेपालगञ्ज नाकाबाट शुक्रबार डिजेलका तीन ट्याङ्कर र एउटा ग्यास बुलेट सहित बेलुकासम्म २५ भन्दा धेरै गाडी भारतबाट नेपालगञ्ज भित्रिएका छन् ।