उनी केहीबेर नबोली फिस्स हाँसेर बसे । कोइराला अझ अघि बढेर महेश आचार्य, नरहरि आचार्य लगायततिर इशारा गर्दै अब यही भो होइनत भन्दै उठ्न खोजेपछि ओलीले कोइरालालाई थचार्ने शैलीमा बसाए ।‘तपाईहरुले के सोच्नुभएको छ ? यो देशमा काँग्रेसबाहेक अरु केही छैन भन्ने सोच्नु भयो ? मनपरी गर्ने ? एकलौटी गर्ने ? ल गर्नुस्, म पनि देखाउँछु के गर्नुपर्छ भनेर’ ओली निकै आक्रामक बनेर हकार्न थालेपछि कोइराला लत्रक्क परे ।ओलीले विगतका अन्य निर्णयहरुमा पनि मनपरी भएको भन्दै मुख्यसचिव र पुननिर्माण प्राधिकरणको नेतृत्वमा त्यो प्रवृत्ति दोहोरिएमा ठीक नहुने चेतावनी दिएपछि विश्वप्रकाश पण्डित र गोविन्द पोखरेलको नाम बोकेर बसेका कोइराला हच्किएको स्रोतले जनाएको छ । आजको साँघु साप्ताहिकमा समाचार छ ।
